مەترسی کێشەی جنسی 

نووسەر       نقل از بهشتکتێبی (ژن ومێردی ئیسلامی بەختەوەر) 
بەرواری بڵاوکردنەوە٢٠١٢/٠٢/١٠


ئیسلام گرنگى یەکی زۆری بە کێشەی جنسی داوە و تایبەتىیەکی بۆ داناوە، ئەویش بە چاودێری کردنىیەتی، وەک لە کتێبى(ژن ومێردی ئیسلامی بەختەوەر)هەندێکی لێ باس کرا، ئەوەش دیارە لەبەر گرنگی پێدان و مەترسىیەکەیەتی. 
بە بۆنەی ئەم ناونیشانەوە، پێویستە ئاماژە بەوە بکەین، یەکەم تاوان لەسەر زەوى ڕویدا، هۆیەکەى جنس بوە!!
لە تەفسیری ابن کثیر هاتوە: ئادەم هەر منداڵێکی لە دایک بوبێ کوڕ و کچی پێکەوە لە دایک بون، جا کوڕی ئەم سکەیان کچی سکەکەی تری دەکردە هاوسەری خۆی، کوڕی سکەکەی تر کچی ئەم سکەی دەکردە هاوسەر، تا ئەو کاتەی دو کوڕی لە دایک بو کە ناویان هابیل و قابیل بو. 
قابیل خاوەنی بێستانێک بو، هابیلیش خاوەنی مەڕ بو. قابیل گەورەترینیان بو، کە خوشکێکی هەبو لە خوشکی هابیل جوانتر بو، هابیل داوای خواستنى خوشکی قابیلی کرد، قابیل رازی نەبو و گوتی: ئەوە خوشکمە و لەگەڵ من لە دایک بوە و لە خوشکی تۆ باشترە، من شایستەترم بیکەمە هاوسەرى خۆم!.
باوکیشی فەرمانی پێ دا، کە خوشکەکەی بدات بە هابیل، بەڵام ڕازی نەبو، جا هەردوکیان قوربانیێکیان بۆ خوای گەورە سەربڕی، تاوەکو بزانرێ کامەیان شایستەترن بە کچەکە، لەو کاتەدا حەزرەتی ئادەم علیه السلام لە لایان نەبو، جا ئاگرێک هات و قوربانى یەکەی هابیلی خوارد و وازی لە قوربانىیەکەی قابیل هێنا، قابیل توڕە بو، گوتی: دەتکوژم بۆ ئەوەی خوشکەکەی من نەکەیە هاوسەری خۆت!!..أ.هـ. [بە کورتی ئیبن جریر گێرِاویەتەوە.] 
خـوای گەورە دەفەرموێ: [ زُیِّنَ لِلنَّاسِ حُبُّ الشَّهَوَاتِ مِنْ النِّسَاءِ وَالْبَنِینَ وَالْقَنَاطِیرِ الْمُقَنْطَرَةِ مِنْ الذَّهَبِ وَالْفِضَّةِ وَالْخَیْلِ الْمُسَوَّمَةِ وَالأَنْعَامِ وَالْحَرْثِ.آل عمران:14
واتە: خۆشەویستی ئارەزوەکانى نەفسانى بۆ خەڵک رازاوەتەوە کە بریتىیە لە ژنان،(1) منداڵ، کیسەى زێڕ وزیو، ئەسپى خۆشڕەنگ و نیشانەدار و مەڕ و ماڵات و کشتوکاڵ. 
پێغەمبەر صلى الله علیه وسلم دەفەرموێ: ((أکثر ما یدخل الناس الجنة تقوى الله وحسن الخلق، وأکثر ما یدخل النار: الفم والفرج)). رواه الترمذی (حدیث حسن)
واتە: ئەوەی کە بە زۆری خەڵک دەباتە نێو بەهەشتەوە، لە خوا ترسان و رەوشت باشى یە، زۆربەی ئەوەش خەڵکی دەباتە نێو ئاگری دۆزەخەوە: زمان و داوێنە. 
هەروەها دەفەرموێ: ((من وقاه الله شرّ ما بین لحییه وشرّ ما بین رجلیه دخل الجنة)). رواه الترمذی وابن حبان (حدیث صحیح)
واتە: هەرکەسێ خوای گەورە لە خراپەی زمانی و داوێنی(2) بپارێزێ ئەوا دەچێتە بەهەشتەوە. 
پێغەمبەرصلى الله علیه وسلم دەفەرموێ: ((إثنان یدخلان الجنة: من حفظ ما بین لحییه ورجلیه دخل الجنة)). رواه الخرائطی (حدیث صحیح
واتە: دو شت هەن دەبنە مایەی چونە بەهەشت: هەرکەسێ زمان و داوێنی لە گوناهـ و تاوان بپارێزێ، دەچێتە بەهەشتەوە. 
هەروەها فەرمویەتی: ((اللهم إنی أعوذ بک من شر سمعی، ومن شر بصری، ومن شر لسانی، ومن شر قلبی، ومن شر منیّی!)). رواه أبو داود (حدیث صحیح)
واتە: خوایە من پەنا دەگرم بە تۆ، لە خراپەکاری گوێ و چاو و زمان و دڵم و، لە خراپەکاری داوێنم. 
========================= 
(1) لەم ئایەتەدا خوای گەورە ئافرەتى بە سەروی ئارەزوەکان(الشهوات) داناوە، لەبەر ئەوەی لە هەمو لایەکەوە پێشڕەوی دڵی پیاوان دەکەن.. یەکێک لە ئافرەتە صاڵحەکان دەیگوت: لە بەدبەختیمان ئەوەیە کە خوای گەورە لە پێشەوەی ئارەزوەکانی داناوین، پاشان ئەم ئایەتەی دەخوێندەوە. 
(2) یەکەم خوێن لەسەر زەوی رێژرا، خوێنی یەکێک لە کوڕەکانی ئادەم بو بە هۆی پێشبڕکێ کردن لەسەر ئافرەت، وەک لە پێشەوە باسمان کرد، نامۆش نى یە گەر پێغەمبەری خواصلى الله علیه وسلم رزگار بون لە ئاگر بۆ کەسێک مسۆگەر بکات، کە زمان و داوێنی بپارێزێت، لەو کەسانەش دەبێت، کە لە پێشەوە دەبن لە چونە بەهەشت. 
لەبەر ئەوەیە پاکخویى کردن و بە پاک راگرتن و ئاراستەکردنی غەریزەی جنسی، بۆ رێگای راست و دروست و شەرعی بە گرنگترین شوێن و پایە دادەنرێت، چونکە سەلامەتی و هەستانەوەی ئوممەت لەسەر ئەمە رادەوەستێ! 
هەر بە بۆنەی قسە کردن لەسەر مەترسی کێشەی جنسی، باش وایە باسی ئەوە بکەین، کە بزاڤی چاکسازی ئایینی (اللوثری) لە ئەوروپا لە گرنگترین هۆیەکانی چارەسەرکردنی ئەم کێشەیە، وەک کە (مارتن لوثر) سەرۆکی ئەم چاکسازىیە ئاشکرای کرد، کە بە پێی ئەوەی لە کتێبی (حیاتنا الجنسیة)ی دکتۆر (فریدریک کهن) هاتوە، گوتویەتی: (هەر کەسێک دەیەوێ بە زۆرە ملێ گەرمایی جنسی کپ بکاتەوە، بە کەسێک دەچی کە بێ هەستە و دەیەوێ قەناعەتمان پێ بکات سروشت پێچەوانەی ئەو شتەیە، کە ئێمە دەیناسین، نە ئاگر شت دەسوتێنێ و نە ئاویش شت تەڕ دەکات و، نەپیاویش دەخوا و دەخواتەوە!!)
لۆپهر بە قسەکانی بەرپەرچی تێگەیشتنەکانی رەوشتی کەنیسە دەداتەوە، کە بەسەر خەڵکی داسەپاندوە، ئەویش بریتىیە لەو رەبەنىیەی خۆیان دایان هێناوە، ئەو قسەیەی دەڵێ: 
جنس خودی خۆی شتێکی پیسە، ئافرەت دروستکراوێکی شەیتانی پیسە، پێویستە خۆی لێ دور بخرێتەوە، هاوسەرگرتن(زواج)یش پێویستى یەکی غەریزەیی-ئاژەڵی-یە بۆ گشتی، بەڵام کەسی بەختەوەری تەقوادار ئەو کەسەیە، کە ژن نەهێنێ.